طاروق رااائع /// صقر المرقااب @ شلفا ذيااب

صقر المرقاب=
سلام ردية والليل ماله طعم = نبغى وسيمه محكمة لواليبهااا
شلفا ذياب بن غانم ضربها في لحم =لكن ذا الوقت لا تكثر مصاويبها
شلفا ذياب=
يامرحبا يامسلم وابشرو بالشحم = لو كان سود الليالي ما عرف غيبها
ياصقر سوق الجمل وارقا براس الهرم = لكن بعض الدير لاتنزل شعيبها
صقر المرقاب=
أخاف تندم وبكره ما يفيد الندم =في هوشة ما انت سالم من مشاعيبهاا
طعني يبو زيد سالم من يسالم سلم = النار صوبك مولعة مشاهيبهااا
شلفا ذياب=
دام العلم مرتفع والنار فوق العلم = عرضت بعض العلوم الريح توميبها
الذيب ما مات والا هاب كثر الغنم = كلا يعدّ الفعول اللي يماريبهاا
صقر المرقاب=
ترى الذياب الجياع اتحوف راع البهم= جاته من الهضبه الي عاوي ذيبهاا
مستقبلك في يديني تحت جرة قلم = واشيب عينك من الايام واشيبهاا
شلفا ذياب=
صف الجماعه تفرق في الزمن وانقسم = وكل الصقور اتعشى من مخاليبها
يالذه المنتصر ياحسرة المنهزم = واعيبها في سلوم الناس واعيبها
صقر المرقاب =
يا عسكر فالسريه سيرها ما انتظم = ما ابي جنود تبلشني بتدريبهاا
شوارب الهاجري ما ودها بالدسم = ابشر من ايدسم اللحيه واشانيبهاا
شلفا ذياب=
ترا الملك فاتح له مدرسه للغشم = ياطيب وقفته يارجال ياطيبها
انته تجيب العسل وتحط لي فيه سم = ماليبها ياطول العمر ماليبها
صقر المرقاب=
ان كان ودك تخربها معي قل قسم=ترى البلاجيك ما تخطي مضاريبها
انتم هواجر بني عمي واقول ونعم=ما طالة افعول ربعك غير من طيبها
شلف ذياب=
فالحرب يابو سعد مافيه حبة خشم =و اللي يسرح جمال عقيل يضوي بها
عينين في راس وانجمل كبير الاسم =يلي علوم الوفا والطيب تحريبها

صحت السنتكم

لاهنت يا ابو محمد على التنسيق

صح السان ابو سعد وابو زيد وحقيقه طاااروق عمالقه

تقبلوا مروري والتحيه